مهم بشكل كبير تعرف العواقب اللي محتمل تحصلك من “السكستينج” وتوعي بيها أطفالك أو المراهقين اللي تعرفهم قبل ما يقعوا في أي مشكلة من عواقب الموضوع، عواقب “السكستينج“
مسموح أو مقبول في بعض الحالات لما بيكون فيه اتنين مشدودين لبعض أو فيه بينهم رابطة يكون بينهم “سكستينج” والـ “سكستينج” هو إرسال المحتوى الجنسي، وعلى قد ما هو مقبول في بعض الأحيانً بين الشخصين (وغالبا بين الشخصين بس لإن المجتمع مش قابل حاجة زي كده) أو مسموع عنه وتحطله توضيح مفهوم ومسمى عشان بيتم أصلا، على قد ما هو خطر وبيسبب مشكلات كتير الفرد في غنى عنها.
1. التنمر
كتير من الأفراد سواء كانوا فتيات أو ولاد اتعرضوا للتنمر بسبب إنهم بعتوا صور أو حاجز شاف سكرين شوتس لمحاداثات ليهم، ده غير إن حياتهم الخاصة بتبوظ لمدة من الوقت.
أبو مالك2. الإحراج والذل
الفرد اللي بيبعت نودز أو بيعمل "سكستينج" ماعندوش ضمانات إن الصور أو الكلام يفضلوا سر بينه وبين الشخص التاني، اه فيه حالات فردية بتفضل فيها الصور والكلام خاصة بين الشخصين بس مش دايما، وبمجرد ما تحصل إشكالية أو فرد يقلب على التاني الصور بتنتشر.
3. نهاية علاقاتك
فيه ناس كتير محتمل ماتقبلش وجودك في حياتها زي صحابك مثلا جائز يقطعوا علاقيتهم بيك، لإن فيه ناس هتعتقد إن حياتهم هتكون في خطر لمجرد إنهم يعرفوك أو هيحسوا بالعار.
4. الشعور بالذنب والعار
فيه بعض الناس جائز يحسوا بالذنب أو العار لمجرد إنهم بعتوا حاجة بتتنافى مع مبادئهم وده بيأثر على احترامهم لنفسهم وتقديرهم لذاتهم.
5. الشعور باليأس
مع مشكلة التنمر والسخرية والإحساس بالذنب، كل ده بيخلي الشخص يحس باليأس وممكن يوجد داع في إنه ينتحر، ولو تعرف حد وبلغ للحالة دي ضروري تقنعه يروح لحد متخصص عشان يساعده.
